الإعلامية نجوى إبراهيم تكشف ل"مصر الآن" آخر تطورات حالتها الصحية بعد إصابتها بالسرطان

كشفت الإعلامية  نجوى إبراهيم ، آخر تطورات حالتها الصحية بعد إعلانها إصابتها بمرض السرطان.

وقالت نجوى إبراهيم، ل"مصر الآن"، : أولًا أنا سعيدة جدا بدعم الناس ليا وحبهم الكبير اللي حسيته منهم، وبشكرهم جدا، وكمان بشكر كل الناس اللي بتحاول تطمئن على حالتي الصحية، والحمدلله أنا لحد دلوقتي كويسة، وكمان أيام هعمل فحوصات طبية علشان اطمئن اكتر واطمئن الناس اللي بتحبني.

وكانت أعلنت نجوى، إصابتها بالسرطان قائلة: أنا أول مرة أقرأ كومنتات كتير جدًا على حاجة نزلت.

وتابعت: يا نهار أبيض على اللي اتقال، ما تروحوا يا جماعة تتعالجوا.. إنتوا عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش عمر آخر عمر الواحد ياخد ده كله بالراحة على نفسكم.

وأضافت: الناس بتستكر على غيرها الابتسامة وليه لازم كل الناس اللي بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللي يريحكم أعتزل؟.

وأوضحت: عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي، أنا مش جاية أربي عيالي أنا جاية فرحانة بيكم ومبسوطة وبتشرف بكلامي معاكي.. حبوا بعض شوية.